सुशान्तको फिल्म लगाउने तयारीमा हल

मुम्बई : सुशान्त सिंह राजपुतको आत्महत्याले सारा भारत तरंगित भयो । आफ्नै कोठाको पंखामा झुण्डिएको अवस्थामा भेटिएका सुशान्तको मृत्यु हत्या हो कि आत्महत्या अझै टुंगो लागेको छैन । तर, भारतमा हल खुलेसँगै उनका शुभचिन्तकले आफूहरूले सुशान्त सिंह राजपूतको फिल्म हेर्न पाउनु पर्ने र उनको निधन लगत्तै ओटिटीमा रिलिज भएको फिल्म ‘दिल बेचारा’ लगाउनु पर्ने माग गरेका छन् । हल संचालकले ‘दिल बेचारा’ नै चैं हैन सुशान्त अभिनित अरु फिल्म भने रिलिज गर्ने तयारी गरिरहेको खबर छ । 
 
खबर अनुसार हट स्टारले ‘दिल बेचारा’ लगाउने विषयमा खासै चासो देखाएको छैन । उसले फिल्म रिलिजका लागि न हलसँग कुरा गरेको छ न कुनै चासो देखाएको छ । तर, सिनेमा हल ‘दिल बेचारा’ नभए सुशान्त अभिनित अरु फिल्म नै भए पनि रिलिज गर्ने सोचमा छन् । बलिउडका पत्रपत्रिका तथा अनलाइनमा आएको समाचार अनुसार हलले ‘छिछोरे’,‘ एमएस धोनी’ र ‘केदारनाथ’ आदि फिल्म रिलिज गर्ने तयारी गरिरहेका छन् । 

---