बादशाह र ज्याकलिनको ‘गेंदा फूल’  विश्वभर धेरै हेरिने लिस्टमा

मुम्बई : गायक बादशाहलाई केही महिना पहिले युट्युब भ्युज किनेको आरोप लागेको थियो । प्रहरीले यो सम्बन्धमा गरिरहेको अनुसन्धान टुंगोमा पुगेको छैन । तर, वर्ष सकिँदा बादशाहका लागि खुशीको खबर आएको छ । उनले गाएको गीत ‘गेंदा फूल’ विश्वभर हेरिने गीतको चौथो नम्बरमा परेको छ ।

बादशाह अघि ग्लोबल स्टार बीटीएस, ब्ल्याक पिन, ड्रेक आदिका गीत छन् । ड्रेकको ‘लाइफ इज गुड’, बीटीएसको ‘डाइनामाइट’ र ब्ल्याकपिनको ‘हाउ यु लाइक इट’ बादशाहाको गीतभन्दा अगाडि रहेका छन् । 

---

वर्षको मध्यतिर सार्वजनिक भएको गीत भारतका विभिन्न भाषामा गाइएको छ । यो गीत सार्वजनिक हुँदाका बखत नै युट्यबको ग्लोबल चार्टमा सबैभन्दा धेरै हेरिने गीतमा परेको थियो । ज्याकलिन फर्नान्डिज र बादशाहको अभिनय रहेको गीत  दुई हप्तासम्म ग्लोबल चार्टमा परेको थियो । गीतलाई भारतसँगै विश्वभरका दर्शकले हेरेका थिए ।