तैमुरसँग विवाह गर्न चाहान्छिन् नोरा

मुम्बई :  डान्सर अभिनेत्रीको पहिचान बनाएकी नोरा फतेहीले तैमुर अलि खानसँग विवाह गर्ने इच्छा जाहेर गरेकी छिन् । करिना कपुरको सो ‘ह्वाट वुमन वान्ट’मा करिनासँगै कुराकानी गर्ने क्रममा उनले यस्तो इच्छा जाहेर गरेकी थिइन्् । ‘तैमुर ठूलो भएपछि उसले मान्यो भने उसँग विवाह गर्ने हो,’ नोराले करिनाको विवाह सम्बन्धी प्रश्नमा भनेकी थिइन् ।

नोराको कुराले हैरान भएकी करिनाले तैमुर जम्मा ४ वर्षको भएको बताइन् । नोराको जवाफ थियो, ‘केही छैन म कुर्न तयार छु ।’ कुराकानीका क्रममा नोराले सैफ अलि खानको पनि तारिफ गरेकी थिइन् । नोराका अनुसार सैफको उनलाई नृत्य शैली अति नै मन पर्छ । 

---

क्यानेडियनकी मुलकी नोरा मूलतः आइटम नृत्यका कारण बलिउडमा चर्चित छिन् । हिन्दीसँगै मलयालम र तमिल फिल्ममा काम गरेकी नोराले ‘बाहुबली’, ‘किक २’, ‘स्त्री’, ‘सत्यमेव जयते’ आदि फिल्ममा आइटम गरेकी थिइन् । ‘सत्यमेव जयते’मा समावेश ‘दिलबर दिलबर’ बोलको गीत उनलेआइटम गरेमध्ये सबैभन्दा चर्चित गीत हो । उनले ‘भारत’ ‘बाटला हाउस’ आदि फिल्ममा अभिनय गरेकी छिन् ।