‘तिम्रो मेरो साथ’को छायांकन सुरू

काठमाडौं : 'रेड वाइन ’बाट नाम परिवर्तन गरी ‘तिम्रो मेरो साथ’ बनेको फिल्मको छायांकन सुरू भएको छ । चलचित्रको सोमबारबाट छायांकन शुरू भएको हो ।  प्रेमकथामाथि आधारित यो चलचित्र रमेश एम के पौडेल निर्देशन गर्न लागेका हुन् ।  चलचित्र  तिम्रो मेरो साथमा निर्देशक पौडेलकै कथा, गीत र निर्माण रहेको छ ।

चलचित्रमा पुष्प खड्का, साम्राज्ञी आर एल शाह, सरोज खनाल ,सन्दिप क्षेत्री,खबपु , इमिली लामा र बिशेष भूमिकामा ध्रुब दत्तको अभिनय रहने छ।      आर्यन फिल्मस तथा बोधी एच डी अमेरिकाको ब्यानरमा बन्न लागेको यो चलचित्रका निर्मातामा पासांग लामा र सह निर्मातामा निरू भण्डारी, सुमन पौडेल र सुधिर पराजुली रहेका छन ।

---

पराजुली सुबिसु केबुलका प्रमुख हुन । चलचित्रमा सबिर श्रेष्ठको पटकथा र सम्वाद रहेको छ । ‘तिम्रो मेरो साथ’को नेपाल र केही दृश्यहरू अमेरिकाका बिभिन्न सहरहरूमा छायांकन गरिने छ ।  चलचित्रमा योगेश काजीको संगीत रहेको छ ।