पुष्प र वर्षाको फिल्म नयाँ वर्षमा

काठमाडौं :  पुष्प खड्का र वर्षा सिवाकोटी अभिनित फिल्म ‘मनसँग मन’ नयाँ वर्षको अवसर पारेर प्रदर्शन हुने भएको छ । बिहीबार गीत सार्वजनिक गर्दै निर्माण टिमले प्रदर्शन मिति घोषणा गरेको हो । फिल्म चैत २७ गते सार्वजनिक हुनेछ । 

निर्माण टिमले बिहीबार सार्वजनिक गरेको ‘मेरो त भाग्य’ बोलको गीतमा गीतमा डेभिड शंकर र भावना थापाको स्वर छ । गीतमा दिपक शर्माको संगीत र विपिन किरणका शब्द छन् । गीतको भिडियोलाई सौरभ लामाले खिचेका हुन् भने रामजी लामिछानेले कोरियोग्राफ गरेका हुन् । यो भिडियोमा चलचित्रका मुख्य कलाकार नायक पुष्प खड्का, नायिका वर्षा सिवाकोटीले  नृत्य हेर्न सकिन्छ । यस्तै, अतिथी कलाकारको रुपमा चलचित्रको यो गीतको भिडियोमा नायक पल शाह र नायिका पूजा शर्माले नृत्य गरेका छन् ।

---

गीतको भिडियोमा कलाकारद्धय बुद्दि तामाङ र रविन्द्र झा पनि अटाएका छन् । चलचित्रमा पुष्प खड्का, वर्षा सिवाकोटी, वुद्दि तामाङ लगायतका कलाकारको अभिनय छ । कैलाश राइको निर्देशनमा बनेको चलचित्रमा अरुण तामाङको लगानी छ । सौरभ इन्टरटेन्मेन्ट र बालाली इन्टरटेन्मेन्टको प्रस्तुतिमा यो चलचित्र तयार भएको हो ।