तमिलमा सुपरहिट ‘मास्टर’ हिन्दीमा रिमेक हुने

मुम्बई : बुधबारबाट भारतमा प्रदर्शन थालेको ‘मास्टर’ हिन्दीमा पनि बन्ने भएको छ । ‘कवीर सिंह’को हिन्दी अधिकार किनेका निर्माता मुराद खेतानी र इन्डेमोल साइनले यो फिल्मको पनि हिन्दी रिमेक अधिकार किनेका हुन् ।  बुधबारबाट रिलिज भएको फिल्मले महामारीका बावजुद ४० करोडको ओपनिङ गरेको थियो । महामारीसँगै फिल्म रिलिजकै मुखमा अनलाइनमा पनि लिक भएको थियो ।

रिलिज अगावै निर्माताले हिन्दी रिमेक अधिकार खरिद गरेको समाचारमा जनाइएको छ । रिमेक अधिकार महंगो रकममा किनिएको पनि समाचारमा उल्लेख छ । 
तमिल फिल्म तमिलका दुई स्टार ‘मास्टर’मा विजय र विजय सेतुपतिको अभिनय छ ।

---

हिन्दी रिमेकमा पनि सोही वजनका कलाकार लिने निर्माताको तयारी छ । तर, यसका लागि उनीहरूले कुनै कलाकारसँग कुरा गरेको खबर भने आएको छैन । फिल्म यही वर्षको मध्यबाट फ्लोरमा लैजाने गरी तयारी सुरु गरिएको छ । निर्माताले केही दिनमै निर्देशक र बाँकी जानकारी सार्वजनिक गर्ने जनाएका छन् ।