शिवरात्रीलाई गायक फणिन्द्र सुवेदीको कोसेली 'तिम्रै भजन गर्छु शम्भो'

काठमाडौँ - महाशिव रात्रीको अवसरमा गायक फणिन्द्र सुवेदीले शिव भजन सार्वजनिक गरेका छन् । गायक सुवेदीले 'तिम्रै भजन गर्छु शम्भो' दर्शकमाझ ल्याएका हुन् । नेपाली समाजमा सनातन धर्मको एक अभिन्न अङ्गको रुपमा मौलिक भजनहरु रहेका श्रोता तथा दर्शकको चाहनालाइ मध्यनजर सुवेदीले सो भजन सार्वजनिक गरेका हुन् । 

 'तिम्रै भजन गर्छु शम्भो' वोलको भजनमा शव्द संयोजन गायक सुवेदी तथा उनकी श्रीमती मीला सुवेदीको रहेको छ । संगीत तथा स्वर गायक सुवेदी, ज्ञानु राणा, लक्ष्मी गिरी, सुनिता श्रेष्ठ र जिवनलाल श्रेष्ठको रहेको छ । 

---

२०३४ सालमा रेडियो नेपालबाट गायन यात्रा सुरु गरेका गायक सवेदीले हालसम्म दर्जनौ गीतहरुमा स्वर दिइसकेका छन् । सुवेदीका सातवटा लोक गीत भजनका एल्वमहरु बजारमा आइसकेका छन । सो गीतहरू उनको युट्युब च्यानलमा समेत हर्न सकिन्छ ।