बिकी कौसलको फिल्ममा सारा

मुम्बई : गत हप्ता बिकी कौशलको अभिनय रहने ‘इमोर्टल अश्वस्थामा’को फस्ट लुक सार्वजनिक भएको थियो । साइफाइ विधामा निर्माण हुने फिल्ममा बिकीले महाभारतमा उल्लेखित चिरञ्जीवी  अश्वस्थामाको भूमिका निर्वाह गरेका छन् । ‘उरी’ फिल्मका निर्देशक आदित्य धर यो फिल्मका निर्देशक हुन् । तर, फिल्ममा बिकीको हिरोइन को हुने निर्माण टिमले सार्वजनिक गरेको थिएन । 

फिल्मफेयरको अनलाइन संस्करणले फिल्मका लागि सारा अली खान फाइनल भएको समाचार छापेको छ । ४ फिल्म जेठी सारा पहिलोपल्ट बिकीसँग साइफाइ विधाको फिल्ममा जोडिन लागेकी हुन् । सानातिना भूमिका गर्दै ‘उरी’मा मुख्य भूमिकामा देखिएका बिकीको यो फिल्मले ३ सय करोड छेऊछाऊको कारोबार गरेको थियो । यो फिल्मको सफलतासँगै बिकीको जीवनमा कट्रिना कैफको पनि प्रवेश भएको थियो ।

---

अफेयरको खबरलाई बिकी र कट्रिना दुवैले लुकाउँदै आएका छन् तर नयाँ वर्षमा कट्रिनाले सामाजिक सञ्जालमा राखेको सेल्फीमा बिकी झुक्किएर देखिएका थिए । समाचारमा हल्ला खल्ला भएपछि कट्रिनाले फोटो नै हटाएकी थिइन् । यता साराको पछिल्लो रिलिज ‘कुली नं १’मा भने उनले तालीभन्दा धेरै गाली खाएकी थिइन् । तर, यसले सारामाथि निर्माताको चाखमा कत्ति पनि कमी आएको छैन । सारा एकपछि अर्को फिल्म साइन गरिरहेकी छिन् ।