कियराले अब सेक्स दृश्य नदिने

लसएन्जल्स : कियरा नाइटली भर्सटायल अभिनेत्री हुन् ।  उनले स्टुडियोका फिल्म हुन् कि इन्डी फिल्म सबैतिर आफूलाई प्रमाणित गरेकी छिन् । उनले गरेका बग्रेल्ती फिल्ममा कियरा धेरै पटक नांगिएकी छिन् । दर्जनौं फिल्ममा अन्तरंग दृश्य दिएकी छिन् ।

तर, बच्चा जन्माएसँगै उनले आफ्नो सम्झौतामा ‘नो न्युडिटी’ क्लज थपेकी छिन् । उनले हालै एउटा पडकास्ट कुराकानीमा सकभर अन्तरंग दृश्य नदिने बताएकी छिन् । उनले अझ पुरुष निर्देशकले निर्देशन गर्ने फिल्ममा झनै त्यस्ता दृश्य नदिने बताएकी छिन् । ‘ मेरा दुइटा बच्चा छन् । सयौं मान्छेको अघि नांगै उभिने हिम्मत छैन,’ कियराले सो अन्तर्वार्तामा भनेकी छिन् । 

---

उनले नग्न दृश्य गर्ने कुराको विरोधी नभए पनि आमा बन्ने र यस्तै आसयका भावना व्यक्त गर्ने सिनेमामा त्यस्ता दृश्य दिन भने सकारात्मक रहेको बताएकी छिन् । तर, उनले यस्ता दृश्य पनि महिला निर्देशक भएका फिल्ममा मात्र दिने बताएकी छिन् ।  कियराले ‘प्राइड एन्ड प्रेज्युडिस’, ‘लभ एक्चुअल्ली’ ‘एटोनमेन्ट’ आदि फिल्ममा काम गरेकी छिन् ।