पोखरामा सुटिङ भइरहेको ‘डिसेम्बर फल्स’ मा यस्तो छ आर्यन र उपासनाको लुक

काठमाडौं :  माघ पहिलो साताबाट पोखराका विभिन्न स्थानमा छायांकन भइरहेको फिल्म ‘डिसेम्बर फल्स’ का केही फोटो सार्वजनिक भएका छन् । सार्वजनिक फोटोमा फिल्मका प्रमुख अभिनेता आर्यन सिग्देल र अभिनेत्री उपासना सिंह ठकुरीलाई देख्न सकिन्छ ।  

भारतीय टेलि तथा फिल्म क्षेत्रमा कार्यरत निर्देशक प्रविण झाको निर्देशनमा निर्माण भइरहेको फिल्मलाई दक्षिण भारतीय फिल्मका छायाँकार महेश आर गुप्ताले खिचिरहेका छन् । रामप्रसाद रिजालको प्रस्तुति रहेको फिल्मको कार्यकारी निर्माता लक्ष्मण रिजाल र निर्मातामा राजकुमार भट्ट छन् ।

---

फिल्मको केही दिनमा पोखरा सेडयुल समापन हुने र त्यसपछि झण्डै दुई साता काठमाडौमा खिचिने बताइएको छ । फिल्ममा आर्यन र उपासनाका साथमा सुमन थापा रोहित, सलोन बस्नेत, दयाराम दाहाल, नरेश भट्टराईको अभिनय छ । बिपीका खनालको कथा रहेको फिल्मको पटकथा र सम्वाद केदार भुसालले लेखेका हुन् । ०७८ को साउन १ गते प्रदर्शन हुने फिल्मको युट्युव र अष्ट्रेलिया राइट महंगो मुल्यमा बिक्रि भइसकेको छ ।