वर्षाको ‘कालीपुरुष’ अब ‘ए साथी सुन,  चैत १ देखि सुटिङ

काठमाडौं :  वर्षा सिवाकोटी यतिबेला घुमघाम र अस्पतालको मिटिङका लागि भन्दै दुबई पुगेकी छिन् । दुबईमा सुटिङ हुन लागेको ‘सम्हालिन्छ कहिले मन’को टोलीसँगै वर्षा पनि दुबई उडेकी हुन् ।

त्यहाँबाट फर्केपछि भने उनले ‘ए साथी सुन’ शीर्षकको फिल्ममा अभिनय गर्नेछिन् । केही दिन अघि मिडियामा उनले यो फिल्म सम्झौता गरेको फोटो बाहिरिएको थियो । तर, समाचारमा फिल्मको नाम ‘कालीपुरुष’ रहेको बताइएको थियो । तर, सुटिङको पूर्व सन्ध्यामा फिल्मको नाम परिवर्तन भएको छ । 

---

अब यो फिल्म ‘ए साथी सुन’ नाममा फ्लोरमा जानेछ । फिल्मको सुटिङ चैतको १ गतेबाट गर्ने तयारी भइरहेको छ ।  राम राघव आचार्यको निर्देशन रहेको फिल्ममा वर्षाले नवनायक रमेश बानियाँसँग स्क्रिन सेयर गर्नेछिन् ।

धरानमा सुटिङ हुने फिल्म सस्पेन्स थ्रीलर विधामा निर्माण हुने निर्माण टिमले जनाएको छ । फिल्मको एक गीतमा किरण भुजेल र अन्जु पन्तको स्वर रहेको छ । फिल्ममा जयनन्द लामा पनि महत्वपूर्ण भूमिकामा देखिनेछन् । बिना कार्कीले निर्माण गर्न लागेको फिल्ममा  मानकृष्ण महर्जनको छायांकन रहनेछ ।