बलिउडमा विवाहित जोडीको फोटोमा कसलाई कति लाइक ?

मुम्बई-  बलिउडमा रोमान्स र विवाहको खबर सबैभन्दा ज्यादा बिक्छ । यही कारण मिडिया पनि युद्धको ग्राउन्ड जिरो रिपोर्टिङ गरेझैँ सेलेब्रेटीको विवाहको समाचारको रिपोर्टिङ गर्छन् । दुलहा दुलहीले लगाएको लुगादेखि उनीहरूले लगाएको गहनासम्मको चर्चा हुन्छ । अतिथीको सूचीमा परेका र छुटेकाको त चर्चा हुने नै भयो । विवाहित जोडीको फोटोको चर्चा अलग्गै । यसलाई पनि धेरैले स्टारडम नाप्ने यन्त्रको रुपमा लिने गरेका छन् । 

बलिउडमा एकाध वर्षमा थुप्रै स्टार कलाकारको विवाह भयो । यसमा अनुष्का शर्मा–विराट कोहली, दीपिका पादुकोन–रनवीर सिंह, कट्रिना कैफ–विकी कौशल विशेष चर्चित रहे । फरक फरक समयमा विवाह गरेका सबै सेलेब्रेटीले सामाजिक सञ्जालमा फोटो राखेर आफूले विवाह गरेको जानकारी दिए ।

---

विवाहका यस्ता हरेक फोटोमा फ्यानले अगाध माया पनि बर्साए । तर अहिले रनवीर–आलियाको फोटो सार्वजनिक भएसँगै फ्यानले कसको फोटोमा माया बर्साए भन्ने कुरा चर्चा हुन थालेको छ । एक रिपोर्टअनुसार विवाहको फोटोमा सर्वाधिक लाइक पाउनेमा रनवीर र आलियाको जोडीले अरुलाई उछिनेका छन् । 

एक भारतीय अनलाइनले छापेको समाचार अहिलेसम्म विवाहको फोटोमा सर्वाधिक लाइक  पाउनेमा कट्रिना र विकीको जोडी अघि थियो । तर यो जोडीलाई दुई लाखको अन्तरले उछिन्दै रनवीर आलियाको जोडीले रेकर्ड बनाएको छ । खबरअनुसार रनवीर–आलियाको विवाहको फोटोले इन्स्टाग्राममा १२ करोड ७४ लाख  लाइक पाएको छ । यसअघि इन्स्टामै राखिएको विक्की र कट्रिनाको फोटोले १२ करोड ७२ लाख लाइक पाएको थियो । 

दीपिका र रनवीरको फोटोले भने जम्मा ६ करोड ५ लाख लाइक पाएको थियो । यसैगरि अनुष्का र विराट कोहलीको फोटोलाई भने ३ करोड मानिसले मन पराएका थिए । ग्लोबल फ्यान भएकी प्रियंका चोपडाको निक जोनाससँगको फोटोले ५ करोड दर्शकको लाइक पाएको थियो ।