एनसीसी बैंकलाई गाभेर कुमारी बैंकले थाल्यो एकीकृत कारोबार

काठमाडौं- कुमारी बैंक र नेपाल क्रेडिट एण्ड कमर्स (एनसीसी) बैंक आजदेखि एकीकृत कारोबार सुरु गरेका छन्। कुमारीले एनसीसी मर्ज पश्चात आजदेखि एकीकृत कारोबार सुरु गरेको हो ।​ मर्जरपछि बैंकको पनि नाम कुमारी बैंक रहेको छ। बैंकको पुरानो बोर्डको रङहरु भने परिवर्तन भएको छ।

दुई बैंक गाभिएपछि नयाँ बैंकको चुक्ता पुँजी २५ अर्ब ८५ करोड पुगेको छ। बैंकको निक्षेप ३ खर्ब ११ अर्ब ३४ करोड निक्षेप हुनेछ भने कर्जा २ खर्ब ७४ अर्ब ५५ करोड पुगेको छ। जगेडा कोषहरुमा भएको रकम लगायतका आधारमा बैंकको कुल पुँजी ३७ अर्ब ६५ करोड पुगेको छ।

---

मर्जरपछि बैंकको प्रमुख कार्यकारी अधिकृतमा रमेशराज अर्याल भएका छन। उनी एनसीसी बैंकका प्रमुख कार्यकारी थिए। कुमारीका खनाल वरिष्ठ डेपुटी प्रमुख कार्यकारी अधिकृत भएका छन्। 

बैंकको प्रधान कार्यालय टंगाल (हाल कुमारी बैंक भएको) मा कायम गरिएको छ। एकीकृत कारोबार थाल्दा दुवै बैंकको नजिक-नजिक रहेका केही शाखा बन्द गरिएका छन्। कुल शाखा संख्या ३५५ हुन्छ। यसमध्ये ५८ स्थानमा शाखा नजिक-नजिक छन्।