दिगो भविष्यको प्रतिबद्धता र जनचेतनाका लागि देशव्यापी ‘नबिल दिगो पाइला’ वाकाथन

काठमाडौँ - नेपाली बैकिङ् क्षेत्रको अग्रणी बैंक नबिल बैंकले देशव्यापी ‘नबिल दिगो पाइला’ वाकाथन गरेको छ । दिगो भविष्यको प्रतिवद्धतासहित जनचेतना जगाउने उद्देश्यले वाकाथन गरिएको हो ।

स्थापनाको ४०औँ वार्षिकोत्सवको अवसरमा  दिगो भविष्य निर्माणको प्रतिबद्धता जनाउँदै शनिबार देशव्यापी रुपमा वाकाथन आयोजना गरेको बैंकले जनाएको छ । बैंकले हालसम्म प्राप्त गरेका उपलब्धिलाई संस्थागत गर्दै दिगो भविष्यप्रति प्रतिबद्धताका लागि वाकाथनमार्फत ऐक्यबद्धता जनाएकोे बैंकद्वारा जारी प्रेस विज्ञप्तिमा जनाइएको छ ।

---

वाकाथनका अवसरमा बैंकका अध्यक्ष, सञ्चालक, प्रमुख कार्यकारी अधिकृत, वरिष्ठ नायव प्रमुख कार्यकारी अधिकृत, नायव प्रमुख कार्यकारी अधिकृतलगायत काठमाडौँ उपत्यकाका विभिन्न शाखामा कार्यरत करिब ११ सय कर्मचारीको उपस्थिति  रहेकाे थियो ।

शनिबार बिहान ७ः३५ बजे दरबारमार्गबाट सुरु भएको वाकाथन कमलादी, घण्टाघर, भद्रकाली, शहीद गेट, न्युरोड, वसन्तपुर हुँदै फेरि दरबार मार्ग स्थित केन्द्रीय कार्यालयमा पुगेर टुंगिएको थियो ।

बैंकका अनुसार नारायणगढ, विराटनगर, बिर्तामोड, वीरगञ्ज, जनकपुर, पोखरा, बुटवल, नेपालगञ्ज, सुर्खेत, धनगढी, हेटौँडा र दाङमा पनि एकैसाथ आजै वाकाथन आयोजना गरिएको थियो ।

नबिल बैंक नेपालका अग्रणी बैंकहरूमध्ये एक हो । बैंकले २४ लाखभन्दा बढी सेवाग्राहीलाई २६८ शाखा र ३१६ एटिएममार्फत सेवा प्रदान गर्दै आएको छ । नबिल बैंकले नेपाली बैंकिङ क्षेत्रमा नवीनतम सेवाहरूको सुरुआत गर्दै महत्त्वपूर्ण भूमिका खेलेको छ । बैंकले नेपालको बैंकिङ विकासमा महत्वपूर्ण योगदान पुर्‍याउँदै आएको बैंकद्वारा जारी गरिएको विज्ञप्तिमा जनाइएको छ ।