साना किसानले २६ प्रतिशत लाभांश दिने, १२ हजार कित्ता हकप्रद लिलामी

काठमाडौं : साना किसान विकास लघुवित्त वित्तीय संस्थाले आफ्ना सेयरधनीलाई २६ प्रतिशत लाभांश दिने भएको छ । सञ्चालक समितिको ३९८औं बैठकले यो निर्णय गरेको हो । पुस २८ मा बस्ने १९औं साधारण सभाले १.३१५ प्रतिशत नगद लाभांश र २५ प्रतिशत बोनस सेयर अनुमोदन गर्नेछ ।

लाभांश वितरणपछि लघुवित्तको चुक्ता पुँजी १ अर्ब २५ करोड रुपैयाँ पुग्नेछ । हाल यसको चुक्ता पुँजी १ अर्ब रुपैयाँ छ ।

---

१३औं साधारणसभाले हकप्रद सेयर निष्कासन गर्दा बिक्री नभएको १२ हजार चार सय ४२ कित्ता सेयर लिलामी गर्ने भएको छ । गत असार ३१ मा धितोपत्र बोर्डले लिलाम गरी बिक्री गर्न निर्देशन दिएको थियो । ३ हजार ३ सय ६८ कित्ता प्रवर्द्धक सेयर र ९ हजार ७४ कित्ता सर्वसाधारण सेयर प्रति कित्ता सय रुपैयाँको दरले लिलाम गर्ने कम्पनीले जानकारी दिएको छ ।