सेञ्चुरी बैंकको थप ७ वटा नयाँ शाखाको उद्‍घाटन

काठमाडौं : सेञ्चुरी कमर्सियल बैंकले सातवटा नयाँ शाखाहरुको भर्चुअल उद्घाटन गरेको छ । बंैकको ७ वटा नयाँ शाखाहरुमध्ये बाँके जिल्ला, कोहलपुर शाखाको बैंकको सञ्चालक समितिका अध्यक्ष राजेश श्रेष्ठबाट उद्घाटन भएको हो । 

मुस्ताङ्गको लेते शाखाको बैंकको सञ्चालक समितिका सदस्य डा. गीता प्रधानले उद्घाटन गरेका छन् । ललितपुर भोलढोका, बालकुमारी शाखाको बैंकको सञ्चालक समितिका सदस्य राजेशराज दलीबाट, काठमाण्डौं जिल्ला, कपन शाखाको बैंकको सञ्चालक समितिका सदस्य अभिषेक बज्राचार्यबाट, काठमाण्डौं जिल्ला, नरेफाट शाखाको बैंकको सञ्चालक समितिका सदस्य महेश कुमार अग्रवालबाट, भक्तपुर जिल्ला, सुकुलढोका शाखाको बैंकको सञ्चालक समितिका सदस्य सुनील कुमार न्यौपानेबाट र काठमाण्डौं जिल्ला, टोखा शाखाको बैंकको सञ्चालक समितिका सदस्य उमा कुमारी श्रेष्ठबाट उद्घाटन भएको हो । 

यस आधिकारीक भर्चुअल उद्घाटनपछि बैंकको शाखा एक सय २० पुगेको छ ।  सबै क्षेत्रसम्म बैकिङ्ग सेवा विस्तार गर्ने उद्देश्यले यसअघि बैकले विभिन्न स्थानमा शाखा, शाखारहित बैकिङ्ग सेवा तथा एक्सटेनसन काउण्टरहरु संचालनमा ल्याई बैकिङ्ग सेवाहरु ग्राहकवर्गहरुलाई प्रदान गदै आएको छ ।

चालु आवको असोज मसान्तसम्म यस बैंकले कुल निक्षेप ८२ अर्ब ४२ करोड रुपैयाँ र कर्जा रकम ६६ अर्ब ९३ करोड परिचालन गरी २२ अर्ब २ करोड मुनाफा आर्जन गरेको छ । 
 

---