हालै मैले अबू धाबीमा भएको ग्लोबल मिडिया कङ्ग्रेसमा भाग लिने सुअवसर पाएको थिएँ । गत वर्षको उद्घाटन संस्करणको सफलताको आधारमा निर्माण गरिएको तीन दिने कार्यक्रममा शिक्षाविद्, युवा र विश्वविद्यालयका विद्यार्थीहरूसहित विश्वका केही शीर्ष उद्योगपतिहरू, विशेषज्ञहरू र प्रभावकारी व्यक्तित्वहरूको सहभागिता रहेको पाइयो ।

‘सेपिङ द फ्युचर अफ द मिडिया इन्डस्ट्री’ भन्ने नाराका साथ यस वर्षको ग्लोबल मिडिया कङ्ग्रेसले विश्वव्यापी सरोकारहरूसँग मिल्दोजुल्दो महत्वपूर्ण विषयवस्तुहरूलाई सम्बोधन गरेको छ । यो अद्भुत अवसर थियो र यस्तो अवसरमा प्रतिनिधिको रूपमा कार्यक्रममा भाग लिन निमन्त्रणा पाउँदा मैले आफूलाई सौभाग्यशाली ठानेको छु ।

---

पहिलो संस्करण एकदम राम्रो थियो तर यस वर्षको संस्करणमा आकार र मापनको हिसाबले मेरो अपेक्षाहरू पार गर्यो । यसले लगभग १३ हजार प्रतिनिधिहरू र २३ हजारभन्दा बढीको सहभागिताका साथ एक प्रभावशाली र गर्विलो आयाम बन्न सफल भयो ।

ग्लोबल मिडिया कङ्ग्रेसले  २५७ ब्रान्डहरूको प्रदर्शन प्रस्तुत गर्यो । १७२ देशबाट सहभागिता जनाइयो र १६० जना विश्वव्यापी रूपमा प्रसिद्ध वक्ताहरूको अन्तर विचार प्रस्तुत भयो । उल्लिखित प्रभावशाली संख्याहरूसहित त्यहाँ सात मुख्य विशेष क्षेत्रहरू थिए, जसले यश अवसरको समग्र भव्यतामा थप योगदान पुर्‍यायो ।

मलाई के कुराले अझ बढी छोयो भने यो एउटा यस्तो विस्तृत कार्यक्रम थियो जसमा ३६ मुख्य सत्रहरू थिए जसले विषयहरूको विस्तृत दायरालाई समावेश गरेको थियो । यी सत्रहरूले दिगोपन, नवप्रवर्तन, अत्याधुनिक सञ्चार प्रविधिहरू, खेलकुद मिडिया, युवा संलग्नता र सञ्चार उद्योगको समग्र भविष्यलाई आकार दिन प्रशिक्षण र विकासको निर्णायक भूमिका जस्ता विविध विषयहरू समेटेका थिए । यो एउटा प्रतिबद्धता जनाइए अनुसार नै गहिरो अनुसन्धान र अन्वेषण द्वारा उपलब्ध गराइएका प्रभावशाली तथ्याङ्कहरूलाई समेत उछिनेर साँच्चै विशाल भेला जस्तो महसुस भयो ।

अझ, यस ग्लोबल मिडिया कङ्ग्रेसले शिक्षा, सह-उत्पादन मजलिस, इनोभेसन स्टेज, उच्च प्रविधि र भविष्यको मिडिया ल्याबसहित धेरै प्लेटफर्महरू प्रस्तुत गर्यो जुन सबै मिडिया लगायत शिक्षा र कृत्रिम बुद्धिमत्ता (AI) को अभिसरण अनुसन्धान गर्न डिजाइन गरिएको हो ।

वास्तवमा, ग्लोबल मिडिया कङ्ग्रेस एक पारम्परिक सम्मेलन र व्यापार मेला थियो । सम्मेलन स्थल, अबू धाबी राष्ट्रिय प्रदर्शनी केन्द्र, मा एउटा ठूलो सभा हल थियो जसमा पूर्ण सत्रहरू आयोजना गरियो । त्यस संगै, त्यहाँ एउटा मुख्य प्रदर्शनी स्थल थियो जहाँ सबै प्रकारका टिभी च्यानलहरू, समाचार एजेन्सीहरू, विद्वानहरूसहित अन्य मिडिया-सम्बन्धित व्यवसायको प्रदर्शनी गरिएको थियो । मैले ती सबै निरीक्षण गर्दै कोठाको वरिपरी घुम्नमा र विभिन्न प्रदर्शकहरूसँग परिचय आदानप्रदान गर्न धेरै समय बिताएँ । त्यसो गर्दा मैले केही राम्रा मानिसहरूलाई भेटेँ र केही साच्चै उपयोगी सम्बन्धहरू समेत बनाउन सफल भएँ ।

धेरै आकर्षणहरू मध्येमा मेरो लागि एउटा प्रमुख आकर्षण स्काई न्यूज अरेबियाको रुपमा देखियो किनभने यो मलाई मनपर्ने अरबी समाचार च्यानलहरू मध्ये एक हो । त्यहाँ तिनीहरूसँग कार्यक्रमको लागि चाहिने एउटा राम्रो मिनी स्टुडियो संगै रोभिङ रिपोर्टरहरू र 'स्काई न्यूज एकेडेमी' समेत थियो जुन अरबी भाषा बोल्ने पत्रकारहरूको लागि प्रशिक्षण केन्द्र हो ।

टिभी समाचारहरूमा "शारीरिक भाषा र सञ्चार" सम्बन्धी कार्यशालामा भाग लिन पाउँदा मैले आफूलाई भाग्यशाली ठानेको छु । त्यहाँ मुख्य प्रदर्शनी स्थलमा एउटा विशेष, बक्स जस्तो ठाउँमा बनाएर ‘सम्मेलन भित्र सम्मेलन’ नामको कार्यक्रम गरिएको थियो, जसलाई ‘मिडिया फ्युचर ल्याब्स’ भनिएको थियो ।

ग्लोबल मिडिया कङ्ग्रेस उद्घाटन धेरै राम्रोसंग संगठित र सञ्चालित थियो । कार्यक्रमको उद्घाटन उपराष्ट्रपति, उपप्रधानमन्त्री तथा राष्ट्रपतिको अदालतका अध्यक्ष शेख मन्सुर बिन जायद अल नाह्यानले गरेका थिए ।

सहभागीहरूका लागि विभिन्न स्थानको भ्रमण र विविध गतिविधिहरू आयोजना गरिएको थियो जसमध्ये एक शेख जायद ग्रान्ड मस्जिदको भ्रमण थियो जुन अबू धाबीको मुख्य आकर्षणहरू मध्ये एक हो । म पहिले अबू धाबी गएको बेलामा दिनको समयमा त्यो मस्जिदको भ्रमण गरेको थिएँ । तर यसपटक रातको समयमा गरिएको मस्जिद भ्रमणको अनुभव साँच्चै शानदार र अविस्मरणीय थियो ।

ग्लोबल मिडिया कङ्ग्रेसको बारेमा एउटा उल्लेखनीय कुरा के देखियो भने यसमा  विदेशी सहभागीहरू मुख्यतया गैर-पश्चिमी देशहरूबाट थिए । उदाहरणको लागी, मैले उज्बेकिस्तान र ताजिकिस्तानका प्रदर्शकहरूसँग राम्रो कुराकानी गरेँ ।

आरटी अरेबिकबाट पनि ठूलो टोलीको उपस्थिति थियो । पश्चिमबाट Euronews, France 24, CNN, BBC, र National Geographic आदिको उपस्थिति मैले त्यहाँ देखेँ । त्यस्तै, चीनको CCTV र CGTN बाट मिडियाको उपस्थिति पनि हामीले त्यहाँ देख्न सक्थ्यौं । त्यस समारोहमा Viory (भिडियो समाचार एजेन्सी) र CCTV को बीचमा प्रसारण सामग्रीमा साझेदारी गर्ने सहमति भयो । Viory का ग्राहकहरूलाई CCTV को सामग्रीमा पहुँच गर्न अनुमति दिँदै Viory एजेन्सी पनि AUB (अफ्रिकन युनियन अफ ब्रोडकास्टिङ) को सदस्य बनेको छ जुन मिडिया पेशेवरहरूको प्रशिक्षण र AUB vision प्लेटफर्ममा सामग्री योगदानहरूको लागि प्रतिबद्ध छ ।

मिडिया उद्योगमा रुचि राख्ने जो कोहीको लागि भविष्यमा आयोजना हुने यस्तो कार्यक्रमहरूमा भाग लिन म सिफारिस गर्दछु । कार्यक्रमको निर्बाध कार्यान्वयन सुनिश्चित गर्न अथक परिश्रम गर्नुहुने र मेरो उपस्थितिलाई सम्भव तुल्याउनु हुने सबैमा म  हार्दिक आभार प्रकट गर्दछु । सहभागीहरूको समग्र अनुभवलाई बढाउनमा कार्यक्रमको सहज अर्केस्ट्रेशनले आयोजक र योगदानकर्ताहरूको समर्पण र प्रयासलाई प्रतिबिम्बित गर्दछ ।