बागलुङ-२ मा देवेन्द्र पौडेलको अग्रता कायमै

काठमाडौँ- बागलुङ २ मा लोकतान्त्रिक वाम गठबन्धनका तर्फबाट नेकपा (माओवादी केन्द्र)का उम्मेदवार देवेन्द्र पौडेलले अग्रता फराकिलो बनाएका छन् । प्रतिनिधिसभा सदस्यका लागि भएको निर्वाचनको मतगणनामा पौडेलले एक हजार ९०९ मत प्राप्त गरेका छन् । उनी ८ सय ७४ मतले अगाडि छन् ।

नेकपा (एमाले)का मञ्जु शर्मा चालिसेले एक हजार ३५ मत प्राप्त गरेकी छन् । उक्त निर्वाचन क्षेत्रको प्रदेशसभा १ मा कांग्रेस उम्मेदवार जित शेरचन दुई हजार ९ सय ९५ मतसहित अग्रस्थानमा छन् । उनलाई स्वतन्त्र उम्मेदवार प्रकाश घर्तीमगरले दुई हजार सात सय ५९ मतसहित पछ्याइरहेका छन् ।

---

साथै, प्रदेशसभा २ मा नेपाली कांग्रेसका दोर्णकुमार कुवँर चार हजार दुई सय ८३ मतसहित अग्रस्थानमा छन् भने एमालेका लक्ष्मण पुन तीन हजार पाँच सय ६८ मतसहित दोस्रो स्थानमा छन् ।