उदयपुर २ (१) मा माओवादीका मगर ३५ मतान्तरले दोस्रो पटक निर्वाचित

विराटनगर- उदयपुरको प्रदेशसभा निर्वाचन क्षेत्र नम्बर २ (१) मा माओवादी केन्द्रका उम्मेदवार नारायणबहादुर मगर पुन: निर्वाचित भएका छन् । उनले नेकपा एमालेका देवराज राईलाई ३५ मतले पराजित गरेका छन् । 

माओवादीका मगरले ८ हजार १०५ मत प्राप्त गर्दा राईले ८ हजार ७० मत पाएका हुन् । मगर प्रदेशसभा सदस्यमा दोस्रो कार्यकालका लागि निर्वाचित भएका हुन् ।

---

२०७४ को निर्वाचनमा उनी माओवादी केन्द्रकी आधिकारिक उम्मेदवारलाई उम्मेदवारी पिर्ता गर्न लगाएर भर्‍याङ चुनाव चिन्हबाट निर्वाचित भएका थिए । बाम गठबन्धनबाट त्यतिबेला कांग्रेसका भेषराज थापा मगरलाई करीव चार हजार मतान्तरले पराजित गरेका थिए ।

अहिले सत्ता गठबन्धनबाट पुन: उम्मेदवार बनेका माओवादीका मगरले झिनो मतान्तरले एमालेका राईलाई पराजित गर्दै पाँच बर्षे दोस्रो कार्यकाल सुरक्षित गरेका छन् ।