बदलाको कथामा रिस्ता र सुनिषाको ‘पासो’

काठमाडौँ - बीआर इन्टरटेन्मेन्टको प्रस्तुतिमा तयार भएको नेपाली चलचित्र ‘पासो’को ट्रेलर सार्वजनिक गरिएको छ । ट्रेलरले फरक फिल्मको आभाष दिन्छ । 
कार्तिकको २५ गतेबाट रिलिज हुने यो चलचित्रको दोश्रो ट्रेलर पनि सार्वजनिक हुने निर्माण पक्षले बताएको छ ।

चलचित्रमा रिस्ता बस्नेत, सुनिषा बजगाईँ, रामकुमार बस्ताकोटी, प्रतीक दुलाल, प्रनव आकाशको मुख्य भूमिका छ । चलचित्रको ट्रेलरमा काठको बक्साभित्र थुनिएकी युवतीको कथा भनिएको छ ।

---

सूर्य दयालुको संगीत रहेको चलचित्रमा कथा, पटकथा, संवाद तथा निर्देशन आर.बी पुनको छ । चलचित्रमा भगवान भूजेलको लगानी छ । उत्तम हुमागाँइको छायांकन रहेको चलचित्रमा भूपेन्द्र अधिकारीको सम्पादन, सुरेज बस्येलको कोरियोग्राफी छ ।

चलचित्र ‘पासो’को कार्यकारी निर्मातामा राजकुमार राउत छन् । चलचित्रले युवती बलात्कार, हत्या र बदलाको कथा भनेको छ । चलचित्रलाई काठमाडौंबाहिर एफडी कम्पनी र काठमाडौंमा जीजीए ग्रुपले वितरण गर्नेछ ।