नांगा फोटो सेयर गरेको भन्दै मडोनालाई इन्स्टा लाइभमा प्रतिबन्ध

लसएन्जल्स - पप गायिका मेडोनालाई इन्स्टाले लाइभ जानबाट रोक लगाएको छ । मडोना स्वयंले इन्स्टाग्रामले आफूलाई लाइभ जान खोज्दा कम्युनिटी गाइडलाइन नमानेको भन्दै लाइभ गर्न नदिएको बताएकी छिन् । मडोना स्वयंले आफूले इन्स्टामा सेयर गरेका फोटोका कारण यस्तो परिस्थिति उत्पन्न भएको हुनसक्ने आँकलन गरेकी छिन् । र आफू स्तब्ध भएको उनको कथन छ ।

‘मैले कहिले पनि धेरै लुगा लगाउने गरेकी छैन । म के भनुँ, शब्दै छैन,’ मडोनाले इन्स्टा भिडियोमा भनेकी छिन् । इन्स्टाले यहाँ अरु पनि मानिस हुने र अरुको उपस्थितिको सम्मान गर्नका लागि पनि इन्स्टाको गाइडलाइन अनुसरण गर्न सन्देश पठाएको पनि उनले स्मरण गरेकी छिन् । 

---

इन्स्टाले पहिले पनि मडोनालाई नांगो फोटो राखेको तथा निप्पल देखिएको फोटो राखेको भन्दै फोटो हटाइदिएको थियो । उनले उसबेला जाबो आफ्नो निप्पल पनि थेग्न नसकेको भन्दै इन्स्टाको मजाक गरेकी थिइन् । ‘महिलाको अरु सबै कुरा चाहिँ देखाउन मिल्ने तर निप्पल चाहिँ नमिल्ने ?’ उनले प्रश्न गरेकी थिइन् ।