लैनसिंह वाङदेलको ‘लंगडाको साथी’ ‘अभिन्न’ शीर्षकमा पर्दामा

काठमाडौँ - लैनसिंह वाङदेलको चर्चित उपन्यास ‘लंगडाको साथी’ सिनेमामा रुपान्तरित भएर आउने भएको छ । निर्माण टिमले पोस्टर सार्वजनिक गर्दै फिल्म निर्माणको काम सकिएको जानकारी दिएको हो । दार्जिलिङमा बसोबास गर्ने एउटा लंगडा र उस्को जीवनमा अचानक आइपुगेको कुकुरको मित्रताको कथा प्रस्तुत गर्ने फिल्मको नाम भने ‘अभिन्न’ राखिएको छ । 

शारीरिक रुपमा अपाङ्ग मानिस र उसको जीवनमा अचानक आइपुगेको कुकुरको मित्रता प्रस्तुत गर्ने फिल्मको पोस्टरमा लेखक लैनसिंह वाङदेल पनि अटाएका छन् । प्रशान्त रसाइलीको निर्देशन रहेको फिल्ममा कार्मको अभिनय रहेको छ । 

---

फिल्मलाई बिभाकर शाक्यले निर्माण गरेका हुन् । बजार केन्द्रित सिनेमाभन्दा फरक सिनेमामा काम गर्दै आएका कार्मको दुई हप्ता अघि मात्र ‘षटकोण’ शीर्षकको फिल्म रिलिज भएको थियो । निर्माण टिमले आइतबार मात्र फिल्मको विषयलाई लिएर अन्तक्र्रिया गरेको थियो ।