'बाबरी' टिजर : क्युट अदितीसँग रोमान्स गर्दै रफटफ धिरज

काठमाडौँ-  धिरज मगर र अदिती बुढाथोकी अभीनित ‘बाबरी’को टिजर रिलिज गरिएको छ । सार्वजनिक टिजरमा धिरज मगरलाई रफटफ युवकको रुपमा देखाइएको छ भने अदिती मोडर्न युवती बनेकी छिन् । दुवैको यो दोस्रो फिल्म हो । धिरजले 'इन्टु मिन्टु लन्डन'बाट डेब्यू गरेकी हुन् अदितीले 'कृ'बाट अनमोल केसीको अपोजिटमा डेब्यू गरेकी हुन् ।

सार्वजनिक १ मिनेट २० सेकेण्ड लामो टिजरमा धिरजले अदितीलाई फकाउँदै गरेको देख्न सकिन्छ । सिनेमामा तृप्ति नाडकरका छोरा धिरज नाडकरको पनि मुख्य भूमिका रहेको छ । तर टिजरमा भने उनले ठाउँ पाएका छैनन् ।

---

त्रिकोणात्मक प्रेमकथामा आधारित सिनेमालाई सुरेन्द्र पौडेलको निर्देशन गरेका हुन् । सिनेमा आगामी भाद्र ३१ गतेबाट नेपालभरका सिनेमा घरमा रिलिज हुनेछ । सिनेमामा बादल भट्ट, कमणमणि नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला गुरुङ, दीलिप गुरुङ लगायतका कलाकारको पनि अभिनय रहेको छ ।

बाबरी फिल्मको प्रस्तुति र सुष्मा प्रोडक्सनको व्यानरमा निर्माण भएको सिनेमाको निर्माता गणेश बुढाथोकी र पुष्पालता बुढाथोकी हुन् । सुष्मा गुरुङ सह-निर्माता रहेको सिनेमाको कथा निर्देशक पौडेलले नै लेखका हुन् । सिनेमामा काली प्रसाद बास्कोटा, सुजन चापागाई र अनमोल गुरुङको संगीत र एञ्जिला खत्री र विक्रम लामाको कोरियोग्राफी रहेको छ ।

सिनेमाको पटकथा तथा संवाद रित सिंह बोहोरा, सिजद दाहाल, मनोज त्रिपाठी र किशोर नेपालले मिलेर लेखेका हुन् । सिनेमाको काठमाडौं, झापा, मोरङ र उत्तरी सिक्किमका विभिन्न रमणीय स्थानमा छायांकन गरिएको छ । नरेन्द्र मैनालीको छायांकन रहेको फिल्मका मुख्य सहायक निर्देशक रित सिंह बोहरा हुन् ।