'प्रेमगीत ३' भारतमा 'विश्वजितम्' नाममा प्रदर्शन हुने

प्रेमगीत ३ भारतमा विश्वजितम् शीर्षकमा रिलिज हुने भएको छ । निर्माता सन्तोष सेनले भारतको निर्माता संघमा फिल्म दर्ता भएको प्रतिलिपी राख्दै भारतसँगै बाँकी देशमा यही नाममा फिल्म रिलिज गर्ने जानकारी दिएका छन् । 

काठमाडौँ नेपाली भाषामा बनेको प्रेमगीत ३ भारतमा पनि रिलिज गर्ने गरी डब गरिएको र नेपाल र भारतमा एक साथ रिलिज गर्ने चर्चा चले पनि निर्माण टिमले नेपालको मात्र प्रदर्शन मिति घोषणा गरेको थियो । तर निर्माण टिमले शुक्रबार फिल्म रिलिज हुने कन्फर्म गरेसँगै वितरण कम्पनी नयाँ पोस्टरसहित सार्वजनिक गर्ने सन्तोष सेनले बताएका छन् । 

---

प्रदीप खड्का र कृष्टिना गुरुङ को मुख्य भूमिका रहेको फिल्म नेपालमा भने असोज ७ मा प्रदर्शन हुँदैछ । यो फिल्मलाई सन्तोष सेनले स्व.छेतेन गुरुङसँग मिलेर निर्देशन गरेका हुन् ।