विवाहमा १८ हजार बालबालिकालाई खाना खुवाउँदै तमिल सुपरस्टार नयनतारा

तमिलनाडु -तमिल फिल्मकी सुपरस्टार नयनताराले बिहीबार प्रेमी भिग्नेस सिवनसँग विवाह गर्दैछिन् । महाबलीपुरम्मा हुने उनको विवाहमा बलिउडबाट शाहरुख खान पनि निम्त्याइएका छिन् । तर समाजबाट लिन मात्र होइन समाजलाई दिन पनि पर्छ भन्ने मान्यता राख्ने नयनतारा र भिग्नेशको जोडीले विवाहकै दिन तमिलनाडुको विभिन्न ठाउँमा रहेका १८ हजार बालबालिकालाई खाना खुवाउने चाँजोपाँजो मिलाएका छन् । यता विवाह भइरहँदा बालबालिकालाई उनीहरूकै ठाउँमा भोजनको व्यवस्था गरिएको छ । 

निर्देशक तथा गीतकार भिग्नेश र नयनताराको भेट सन् २०१५ मा एउटा फिल्मको सुटिङका क्रममा भएको थियो । ७ वर्ष डेट गरेपछि बल्ल उनीहरूले विवाह गर्ने निर्णय गरेका हुन् । नयनतारा र भिग्नेशले ‘राउडी पिक्चर्स’नाममा प्रडक्सन कम्पनी पनि खोलेका हुन् । 
 

---