असार १ देखि डिस होमसँगै डिजिटल प्लेटफर्ममा ‘चिसो एष्ट्रे’

काठमाडौँ - अघिल्लो वर्ष प्रदर्शनमा आएको फिल्म ‘चिसो एष्ट्रे’ले डिजिटल प्लेटफर्ममा प्रदर्शन  यात्रा सुरु गरेको छ । फिल्म आउँदो असार १ देखि डिसहोमसहित नेट टीभी, मोमो एप लगायतका प्लेटफर्ममा प्रदर्शन हुने भएको छ । 

चैत्र ४ गते प्रदर्शनमा आएको फिल्मले हलमा ठीकै मात्र व्यापार गरे पनि समीक्षकबाट भने राम्रो प्रशंसा पाएको थियो । खासगरि फिल्मले प्राविधिक पक्षमा तारिफ पाएको थियो । भूपी शेरचनको यही नामको कविताबाट प्रभावित फिल्मलाई दिन्स पाल्पालीले निर्देशन गरेका थिए ।

---

लेखनसहित उनैको रहेको फिल्ममा दिव्यदेव, सुशील पाण्डे, सृष्टि श्रेष्ठ, निकुन श्रेष्ठ, नविन लम्साल आदि कलाकारको अभिनय रहेको थियो । महेशबाबु तिमल्सिना प्रस्तुतकर्ता रहेको फिल्मलाई प्रविन स्याङबो र सुष्मिता पराजुलीले निर्माण गरेका थिए । सुजन खतिवडा, रुपेश ढुंगाना र नविन ढुंगानाको सह(निर्माणमा बनेको फिल्मलाई उज्वल बस्ताकोटीले छायाँकन गरेका हुन् ।