‘काँडेतार’ फिल्मको टिजर सार्वजनिक, राष्ट्रको अस्मिता बचाउने अभियानमा नवल

काठमाडौँ - नवल खड्का निर्देशित फिल्म ‘काँडेतार’को टिजर सार्वजनिक गरिएको छ । टिजर अभिनेता नवल खड्काको एक्सनले भरिभराउ रहेको छ । 
राष्ट्रवादी सिनेमा बनाउने निर्माताको पहिचान बनाएका नवलले यो फिल्ममा पनि राष्ट्रलाई नै केन्द्रमा राखेका छन् ।

टिजरले राष्ट्रको अस्मिता बचाउन मृत्युको पर्वाह नहुने सन्देश दिन खोजिएको छ । नवल खड्का छाएको टिजरमा मुरलीधर, गौरव पहारी, सुर्विना कार्की आदि कलाकारको पनि झलक देख्न सकिन्छ । नवल खड्काले अन्य धेरै निर्मातासँग मिलेर बनाएको फिल्मले प्रदर्शन मिति भने सार्वजनिक गरेको छैन । नवल खड्काले यसअघि ‘दशगजा’, ‘भिमदत्त’ लगायतका फिल्म निर्माण गरेका छन् । 

 

---