‘पानीफोटो’को मोसन पोस्टर सार्वजनिक

काठमाडौँ - खगेन्द्र लामिछाने कलाकारबाट निर्देशकमा बढुवा भएको फिल्म ‘पानीफोटो’को डायनामिक मोसन पोस्टर सार्वजनिक भएको छ । पोस्टरसँगै निर्देशक लामिछानेले फिल्मको विषय र कलाकारको पनि परिचय गराएका छन् । 

पछिल्लो समय कलाकार निर्देशक स्वयं दर्शकसँग साक्षात्कर हुँदै फिल्मको बारेमा जानकारी दिने प्रचलन बढेको छ । निर्देशक लामिछानेले बलिउडतिर चलेको सोही चलनलाई पछ्याउँदै फिल्मको सम्पूर्ण जानकारी दर्शकसँग बाँडेका छन् । 

---

बेपत्ता छोरो कुरेर बस्ने बाबुआमाको कथा प्रस्तुत गर्ने फिल्म खगेन्द्र लिखित यही नामको नाटकको फिल्मांकन हो । फिल्ममा खगेन्द्रबाहेक अनुप बराल, मेनुका प्रधान र मालिका महत  प्रकाश घिमिरे, माओत्से गुरुङ्ग, बुद्धि तामाङ्ग, रमेश अधिकारी, कमलमणी नेपाल, अनुज पाण्डे, राधा श्रेष्ठ, श्याम कुमार खड्का जस्ता चर्चित कलाकारहरुले अभिनय गरेका छन् ।

दीपक बज्राचार्यको छायांकन र निमेष श्रेष्ठको सम्पादन रहेको फिल्म साउन १३ मा प्रदर्शन हुँदैछ । भदौ १० मा प्रदर्शन हुने घोषणा गरेको फिल्म दुई हप्ता प्रिपोन्ड हुँदै साउन १३ मा आएको हो ।