लगातार फ्लप फिल्म दिँदा पनि अक्षयकुमार सलमान र शाहरुखभन्दा अघि

मुम्बई - अक्षयकुमारको सन् २०२२ खासै राम्रो हुने लक्षण देखिएको छैन । उनका हलमा रिलिज दुई फिल्मले निर्माता नराम्ररी डुबाए । सबैभन्दा पहिले १ सय ६५ करोडमा बनेको ‘बच्चन पाण्डे’ले बक्स अफिसबाट ६५ करोड पनि कमाउन सकेन । दोस्रोमा भर्खरै ३ सय करोड हाराहारीमा बनेको ‘सम्राट पृथ्वीराज’ पनि ७० करोड हाराहारीमा अड्किने लक्षण छ । 

यसरी दुई दुई फिल्म डुब्दा पनि भर्खरै भएको एक पोलले भने अक्षयकुमारलाई सन् २०२२ को एक नम्बर अभिनेता घोषणा गरेको छ । आरमेक्स लभ इन्डिया स्टार्सले निकालेको सूचीमा लोकप्रिय अभिनेतामा अक्षयकुमार शाहरुख खान र सलमान खानभन्दा पनि अघि छन् । 

---

भारतका प्रतिनिधि जनताबीच गरिएको पोलले दोस्रो नम्बरमा शाहरुख खानलाई राखेको छ भने सलमान खान तेस्रो नम्बरमा छन् ।  यो लिस्टमा आमिर खान भने छैटौँ नम्बरमा परेका छन् । उनको यो वर्ष कुनै फिल्म रिलिज भएनन् । यही साल ‘आरआआर’ र ‘गंगुबाई कठैयावाडी’मा अतिथि भूमिका निर्वाह गरेर पनि चर्चा कमाउन सफल अजय देवगन भने नवौँ नम्बरमा छन् ।