‘जोकर’ सिक्वेलमा लेडी गागाको चर्चा

लसएन्जल्स - ‘जोकर’ पर्दामा फर्कने भएको छ त्यो पनि साथीसहित । निर्देशक टोड फिलिप्सले ज्याक्विन फोनिक्सका लागि जोडीको रुपमा लेडी गागालाई लिन लागेको चर्चा छ । 

फिलिप्सले केही दिनअघि मात्र सामाजिक सञ्जालमा ‘जोकर’को स्क्रिप्ट सार्वजनिक गरेका थिए । ‘फोलिय अ डिउक्स’ लग लाइन भएको स्क्रिप्टले अबको कथा मानसिक स्वास्थ्यमा आधारित रहने अनुमान गरिएको छ । टोडले यही स्क्रिप्ट ज्याक्विनले पनि पढिरहेको फोटो सार्वजनिक गरेका थिए । तर निर्माता वार्नर ब्रोज र ज्याक्विनका बीच औपचारिक सम्झौता भने भइसकेको छैन । 

---

यता लेडी गागाले पनि निर्वाह गर्न लागेको चरित्रको बारेमा थप जानकारी सार्वजनिक भइसकेको छैन । तर अनुमानअनुसार उनले साइकियाट्रिकको भूमिका निर्वाह गर्न लागेको चर्चा छ जोसँग जोकर प्रेममा पर्छ । योबाहेक सिक्वेल म्युजिकल हुने पनि चर्चा छ । 

सन् २०१९ मा सार्वजनिक भएको फिल्मले बक्स अफिसमा अविश्वनीय व्यापार गरेको थियो । हरेक दिन व्यापार विश्लेषकको अनुमानलाई गलत सावित गरेको फिल्मले ‘आर’ रेटिङ पाउने फिल्ममध्ये उत्कृष्ट व्यापार गर्दै चौथो स्थान कब्जा जमाएको थियो । फिल्म अस्करको ११ वटा विधामा मनोनयनमा परेको थियो । टोडले लेडी गागालाई अस्कर दिलाउने फिल्म ‘स्टार इज बर्न’ निर्माण गरेका थिए ।