दीपक–दीपाको ‘तीतो सत्य’का छोरासँग लगनगाँठो कस्दै सुनिशा

काठमाठौँ - ‘तीतो सत्य’मा दीपक राज गिरी र दीपाश्री निरौलाको छोरा बनेर थुप्रै शृंखलामा अभिनय गरेका राज आचार्यले अभिनेत्री सुनिशा बजगाइँसँग विवाह गर्ने भएका छन् । दुवैले यही असार ७ गते विवाह गर्न लागेकी हुन् । 

‘विवाह गर्न लागेको हो ?’ भन्ने इकागजको प्रश्नमा सुनिशाले सहमति जनाइन् । सुनिशाले मंगलबार मात्र यस भनेको फोटो राख्दै विवाहका लागि स्वीकृति दिएको संकेत दिएकी थिइन् । त्योभन्दा अघि पनि उनले साथीको मेहन्दीको तस्बिर राख्दै ‘आइ एम नेक्स्ट’को क्याप्सन राखेकी थिइन् । दुई हप्ता अघि जन्मदिन परेकी सुनिशालाई राज आचार्यसँगै दीपाश्री निरौलाले पनि ‘बुहारी ह्रयाप्पी बर्थ डे’भन्दै सुनिशालाई शुभेच्छा दिएकी थिइन् । 

---

अभिनय छाडेर पढ्न गएका राजले चार्टर्ड अकाउन्ट सकाएका छन् । राज र सुनिशालाई केही समयदेखि टिकटक भिडियोमा बाक्लै देखिने गरेको थियो । यसैगरि राजले ‘छक्का पञ्जा’ सिरिजबाट अभिनयमा कमब्याक गर्ने चर्चा छ । 

थिएटर पृष्ठभूमिबाट आएकी सुनिषाले केही फिल्मसँगै दर्जनौँ म्युजिक भिडियोमा अभिनय गरेकी छिन् । राज र सुनिशाले केही समयअघि ‘नजिक’बोलको म्युजिक भिडियोमा पनि सँगै अभिनय गरेका थिए ।