धमाधम प्रदर्शन मिति घोषणा गर्दै फिल्म

काठमाडौँ - महामारीका कारण प्रदर्शन हुन नपाएका फिल्मले धमाधम प्रदर्शन मिति घोषणा गर्न थालेका छन् । फिल्म रिलिजका लागि निर्माताले साउन भदौको मितिलाई लक्ष्य गरेका छन् ।

भदौका हरेक हप्ता दुई तीन फिल्म रिलिज हुँदैछन् । भदौ ३ मा तीन फिल्म रिलिज हुने चर्चा छ । यसैगरि भदौ १० मा पनि दुइटा फिल्म रिलिज हुँदैछ । यसपछिको हप्ता खालि नै थियो । अब यो मितिमा लामो समयदेखि बनेर अड्किएको ‘सम्हालिन्छ कहिले मन’ भदौ १७ मा आउने भएको छ । सुदर्शन थापा निर्देशित यो फिल्ममा आकाश श्रेष्ठ र पूजा शर्माको मुख्य भूमिका रहेको छ ।

---

हालै मात्र अर्को फिल्मले पनि प्रदर्शन मिति तय गरेको छ । सुवर्ण थापा निर्देशित फिल्म ‘म’साउन २० मा आउने भएको छ । यो फिल्ममा निराजन प्रधान, रुविना थापा, निशा अधिकारी आदिको मुख्य भूमिका रहेको छ । योसँगै सुवर्ण थापा निर्देशित दुई फिल्म १५ दिनको अन्तरमा प्रदर्शन हुन लागेका हुन् । सुवर्ण निर्देशित अर्को फिल्म ‘राधा’ भदौ १० मा रिलिज हुँदैछ ।