आफ्नो अस्तित्व खोज्दै ‘म’ टिजर

काठमाडौँ - फिल्म ‘म’को टिजर सार्वजनिक भएको छ । लामो समयदेखि फिल्मसम्बन्धी अध्ययन गराउँदै आएको कान्तिपुर फिल्म एकेडेमीले पहिलोपटक निर्माण गरेको फिल्म ‘म’ को टिजर कलेजका विद्यार्थी र कलाकारबीच प्रदर्शन गर्देै सार्वजनिक गरिएको हो । यो फिल्म आगामी साउन २० गते प्रदर्शन हुने भएको छ ।

फिल्मको टिजरमा मुख्य कलाकारहरू निराजन प्रधान, सरोज खनाल, निशा अधिकारी, रुविना थापा, सरिता लामिछाने, सविन श्रेष्ठ र संजोग रसाइलीलाई देखाइएको छ । सस्पेन्स–थ्रिलर विधाको फिल्मको कथा तथा पटकथा प्रकाश पुरीले लेखेका हुन् । फिल्मलाई  सुवर्ण थापाले निर्देशन गरेका हुन् । आफ्नो अस्तित्वको खोजीमा रहेका पात्रहरूको कथा भन्ने फिल्म ‘म’ मा निराजन प्रधान, सरोज खनाल, सरिता लामिछाने, निशा अधिकारी, रुविना थापा, सविन श्रेष्ठका अलवा फिल्ममा नरेन खड्का, संजोग रसाइली, पुनम श्रेष्ठ, गीत विष्ट, विमल पुरी, सुरज विष्ट, सुवास पौडेल, सुप्रज्ञा शर्मा, अजित रेग्मी, सम्राट क्षेत्री, जेम्स अधिकारी, विवेक कुँवर र अमोद भट्टलगायतका कलाकारहरूको अभिनय रहेको छ ।

---

फिल्मको मुख्य भूमिकामा रहेका निराजन प्रधान एक घटनासँग जोडिएको र अनुसन्धानमा जुटेसँग बाँकी पात्रहरू जोडिँदै गएका छन् । कान्तिपुर फिल्म एकेडेमीको ब्यानरमा निर्माण भएको फिल्ममा तेन्जिन पाल्देनको छायांकन छ । एकेडेमीका सिइओसमेत रहेका प्रकाश पुरी क्रियटभ निर्माता रहेको फिल्मका निर्माता विमला हुमागाईं र सह निर्माता पदम पुरी हुन् ।

फिल्ममा भरत रेग्मीको कलर, राकेश दाहालको ग्राफिक्स डिजाइन, साहिल खानको थ्रिएटिकल ट्रेलर, सुजन वली र सुरक्षा रेग्मीको कस्ट्युम डिजाइन, करण सिंहको प्रोडक्सन डिजाइन, नोबल फ्रिक्सको ब्याकग्राउन्ड स्कोर, मुकेश शाहको साउन्ड डिजाइन रहेको छ भने बनिष शाहको सम्पादन रहेको छ । फिल्मलाई डिसिएन र एफडी कम्पनीले वितरणको जिम्मा लिएका छन् ।