कमब्याकमा सुपर फ्लप शिल्पा सेठ्ठी

मुम्बई -टेलिभिजन सोमा जजको कुुर्सीमा बसेर ‘सुपर से उपर’ भन्दै प्रतिस्पर्धीको तारिफ गर्ने शैलीले बलिउड अभिनेत्री शिल्पा सेठ्ठीलाई दर्शकसँग बिरानो हुन दिएको थिएन । यति मात्र होइन कि उनले यही काम गरिगरिकन नयाँ फ्यान बनाएको पनि अनुमान गर्न सकिन्थ्यो ।

तर टेलिभिजनमा उनलाई देखेर दंग पर्ने दर्शक हलमा जाने कष्ट भने गरेनन् । एउटा मात्र होइन, दुई–दुई फिल्ममा शिल्पाले यो नियति भोग्नुपर्यो । अन्ततः बलिउडका अधिकांश अभिनेत्रीको झैँ उनको पनि कबब्याक बिर्सनलायक रह्यो । 

---

शिल्पा सेठ्ठीले कम्तिमा एक दशकपछि ‘हङ्गामा २’मार्फत बलिउडमा कमब्याक गरेकी थिइन् । पहिलाको हिट फिल्मको नाम लिइएको यो फिल्मले उनलाई उद्योगमा पुनस्र्थापित गर्ने धेरैको विश्वास थियो । तर यो फिल्मले नराम्ररी धोका दियो । अघिल्लो वर्षको जुलाई अन्तिममा रिलिज भएको फिल्मले बक्स अफिसमा ५ करोडको पनि व्यापार गर्न सकेको थिएन । ३० करोड लगानी भएको फिल्म हल रिलिजमा फ्लप मानिएको थियो । 

लगभग एक वर्षपछि पर्दामा फर्किएकी शिल्पालाई दोस्रो फिल्म ‘निकम्मा’ले पनि निराश बनाएको छ । ५० करोड हाराहारी लगानीमा बनेको यो फिल्मले पहिलो दिन ७५ लाखको व्यापार गरेको थियो । प्रर्दशनको चौथो दिनसम्ममा यो फिल्मले पनि जम्मा २ करोडको व्यापार गरेको समाचार छ । 

ठूलो पर्दा लामो समय छाडेर फेरि फर्कने अभिनेत्रीको प्रयास उति सफल देखिएको छैन । सन् ८०÷९० को दशकमा राज गरेका श्रीदेवी, माधुरी दीक्षित, करिष्मा कपुर आदिको पनि कमब्याक उति राम्रो भएको थिएन । तर शिल्पाको झन् बिजोग भएको छ । न फिल्मले पैसा कमाएका छन् न शिल्पाको अभिनयको तारिफ भएको छ । फिल्मको भाषामा भन्दा उनको कमब्याक सुपरफ्लप देखिएको छ ।