सुवर्ण थापा निर्देशित 'राधा'को दोस्रो थिम पोस्टर सार्वजनिक

काठमाडौँ - सुवर्ण थापाको  निर्देशन रहेको फिल्म 'राधा'ले दोस्रो पोस्टर सार्वजनिक गरेको छ । पोस्टरले अभिनेत्री सृष्टि श्रेष्ठ कसैको खोजीका लागि यात्रामा रहेको संकेत गर्छ । 

बेपत्ता श्रीमानको खोजीको कथामा बनेको फिल्मको पहिलो पोस्टरमा बच्चा बोकेकी सृष्टिको उदास अनुहारलाई प्रस्तुत गरिएको थियो । पोस्टरबाटै कथा भन्ने प्रयास गरिरहेका सुवर्ण थापाले दोस्रो पोस्टरमा यसका लागि सृष्टि यात्रामा निस्किएको संकेत गरेका छन् । 

---

सुवर्ण थापाकै लेखन रहेको यो फिल्ममा सृष्टिबाहेक सौगात मल्ल, खगेन्द्र लामिछाने, दिव्यदेव, दयाहाङ राई, निश्चल बस्नेत, मेनुका प्रधान आदि कलाकारको अभिनय रहेको छ । सौगात मल्लसमेत निर्माता रहेको फिल्म भदौ १० गते सार्वजनिक प्रदर्शन हुँदैछ ।