केकी–आँचल अभीनित ‘झिँगेदाउ’को पहिलो गीत सार्वजनिक

काठमाडौँ -  केकी अधिकारी र आँचश शर्मा देउरानी–जेठानी बनेको फिल्म ‘झिँगेदाउ’को पहिलो गीत सार्वजनिक भएको छ । मुकुन भुसाल र कुशल बिष्टको समेत मुख्य भूमिका रहेको फिल्मको मंगलबार औपचारिक कार्यक्रमका बीच गीत सार्वजनिक गरिएको हो । ‘आगोविना बिँडी जल्दैन’बोल समावेश गीतलाई अर्जुन पोखरेलले संगीत गरेका हुन् ।

भैंसेपाटीको सिकाली चौरमा केही दिनअघि खिचिएको गीतमा केकी र आँचलसँगै मुकुन भुसाल र कुशल बिष्टको नृत्य देख्न सकिन्छ । गीतमा चारै जनालाई नचाएका हुन् रामजी लामिछानेले । 

---

लोक शैलीको गीतमा प्रविण बेडवाल र शान्तिश्री परियारको स्वर रहेको छ । गीत रचना रहेको छ, मुक्ता उदासको । भिमनिधी तिवारीको कथामा आधारित रही बनेको फिल्मलाई ज्ञानेन्द्र देउजाले निर्देशन गरेका हुन् । प्रदीप भारद्धाजले कथान्तरण गरेको फिल्म भदौ १७ मा प्रदर्शन हुँदैछ । आज सार्वजनिक गीतलाई विष्णु कल्पितले छायांकन गरेका हुन् ।