निशा-निराजन अभीनित 'म' का दुई पोस्टर सार्वजनिक

काठमाडौँ- चलचित्र 'म' का दुई वटा पोस्टर सार्वजनिक भएका छन् । पोस्टर कन्तिपुर फिल्म एकेडेमीको फेसबुक पेजमार्फत सार्वजनिक गरिएको हो।  सार्वजनिक पोस्टरमा अनुसार नयाँ अनुहार संजोग रसाईलीको वरिपरि कथा र अन्य पात्रहरु घुमेको अनुमान लगाउन सकिन्छ । संजोग फिल्म एकेडेमीका स्टुडेन्ट हुन र उनको यो डेब्यू चलचित्र हो ।

निर्माण टिमले केही दिन अघि १ मिनेटको टिजर सार्वजनिक गरेको थियो । सार्वजनिक भएको एक मिनेटको टिजर र पोस्टर अनुसार निशा अधिकारी डक्टर, रुविना थापा नर्स, निराजन प्रधान पुलिस अफिसर, नरेन खड्का ग्याङ्गस्टार भन्ने स्पस्ट देखाइएको छ । अन्य पात्रहरुमा सरोज खनाल, सविन श्रेष्ठ, सरिता लामिछाने र पुनम श्रेष्ठलाई पनि टिजर र पोस्टरमा अटाइएको छ तर उनीहरुको क्यारेक्टर के हो भनेर ठम्याउन सकिदैन ।

लेन्डस्केप र पोट्रेट गरी २ वटा फरक फरक साईजमा सार्वजनिक भएको 'म' को पोस्टरले हेरिरहेको रेगुलरभन्दा केही फरक कथामा फिल्म बनेको ठम्याउन सकिन्छ तर फिल्ममा 'म' को अर्थ र फिल्मको मुख्य कथा के हो भनेर अहिले सम्म गोप्य राखिएको छ ।

फिल्मको निर्देशक सुवर्ण थापा हुन्, उनले बनाएको 'सुनगाभा'चलचित्र समीक्षात्मक रुपमा राम्रो मानिएको थियो भने उनैले निर्देशन गरेको अर्को चलचित्र 'राधा' पनि भदौ १० गतेबाट प्रदर्शन हुँदैछ। चलचित्र म को सिनेमाटोग्राफर तेन्जिङ्ग पाल्देन, एडिटर बनिस शाह, निर्माताहरु बिमला हुमागाई र पदम पुरी हुन भने चलचित्रको राईटर र कृयटिभ प्रोड्युसर कान्तिपुर फिल्म एकेडेमीका सिईओ प्रकाश पुरी हुन् ।

कान्तिपुर सिनेमाजको प्रोडक्सन र कान्तिपुर फिल्म एकेडेमीको प्रस्तुतिमा निर्माण भएको म श्रावण २० गतेबाट प्रदर्शनमा आउदैछ । फिल्मको अफसियल ट्रेलर श्रावण पहीलो हप्ता सार्वजनिक गर्ने निर्माण टिमले जानकारी गराएको छ ।

---