नेपालसहित ८ देशमा एकसाथ प्रदर्शन हुँदै ‘प्रकाश’

काठमाडौँ -  चलचित्र ‘प्रकाश’ भाद्र १० गतेबाट नेपाल सहित विभिन्न देशमा एकसाथ प्रदर्शन हुने भएको छ । महङ्गो रकममा विदेश राइट्स बेचेको बिनिस इन्टटेनमेन्टले नेपाल सहित भारत, अष्ट्रेलिया, न्युजल्यान्ड, युरोप, जापान, अमेरिका, क्यानडा र मिडिलइस्टमा एकसाथ चलचित्र प्रदर्शन हुने जानकारी दिएको छ । उल्लेखित देशहरुमा प्रदर्शन राइट्स एक करोड ७२ लाखमा बिक्री भएको हो । साथै अन्य केही देशहरुबाट पनि माग भइरहेको र छिट्टै नै टुङ्गो लाग्ने निर्माता महेन्द्र अधिकारीले जनाएका छन् ।

दिनेश राउतको निर्देशन रहेको चलचित्रमा प्रदिप खड्का, दिया मास्के, रेनु योगी, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दिपेन्द्र शाहीलगायतका कलाकारको अभिनय रहेको छ । चलचित्रले शिक्षक बन्न एक युवाले गर्ने संघर्षको कथा भनेको छ । मुख्य पात्रका माध्यमबाट वर्गीय विभेदको कुरा पनि उठाइएको छ ।

---

विकास सुवेदीको लेखन रहेको चलचित्रको पोस्टर रिलिज देखिनै यसको चर्चा निकै छ चलचित्रको सार्वजनिक पोष्टर, गीत र टिजरले हाइप क्रियट गरेसँगै विदेश राइट्स बिक्री भएको हो ।

चलचित्रमा राजेश श्रेष्ठको छायाँकन, जीवन थापाको सम्पादन, सुवास भुषाल, दिपक शर्मा, तारा प्रकाश लिम्बू र एलिस कार्कीको संगीत, उत्तम न्यौपानेको साउन्ड डिजाइन र शैलेश श्रेष्ठको पाश्र्व संगीत रहेको छ । महेन्द्र अधिकारी निर्माता रहेको चलचित्रलाई आरआर फिल्मस्का रोहित कट्टेल र रत्न श्रेष्ठले वितरण गर्दैछन् ।