मोबाइलले खिच्दै स्टिभन स्पिलवर्गको म्युजिक भिडियोमा डेब्यू

लसएन्जल्स-५० वर्षभन्दा ज्यादा लामो निर्देशन करिअर भएका स्टिभन स्पिलवर्गले पहिलो पल्ट म्युजिक भिडियो निर्देशन गरेका छन् । तर प्रयोगधर्मी निर्देशक स्पिलवर्गले म्युजिक भिडियोमा पनि प्रयोग छाडेनन् । उनले निर्देशन गरेको पहिलो म्युजिक भिडियो उनले मोबाइल फोनले खिचेका छन् । 

स्पिलवर्गले मार्कस ममफोर्डको सोलो गीत ‘क्यानिबल’का लागि यो जिम्मेवारी लिएका हुन् । स्पिलवर्गको गीतमा थुप्रै सेलिब्रटीले काम गरेका छन् । मार्कसले इन्स्टामा हालेको फोटोमा केट क्यापसले डली तानिरहेकी छिन् । गीतमा उनले निर्माता र कला निर्देशकको जिम्मेवारी निर्वाह गरिरहेको खबर छ । त्योबाहेक अभिनेत्री क्यारी मलिगनले कस्ट्युम र साउन्डको विभाग सम्हालेकी छिन् । 

---