इरानी निर्देशक जफर पनाहीलाई ६ वर्षको जेल सजाय

इरान-  इरानी सरकारको भ्रष्टाचारविरुद्ध आवाज उठाएका इरानी निर्देशक जफर पनाहीलाई सरकारले ६ वर्षको जेल सजाय सुनाएको छ । गत हप्ता मात्र सरकारले पनाहीलाई पक्राउ गरेको थियो । 

इरानी सरकारको बेथितिविरुद्ध आवाज उठाउँदै आएका पनाहीलाई सरकारले सन् २०१० मै ६ वर्षको सजाय सुनाएको थियो । तर दुई महिना जेल सजाय काटेपछि सरकारले उनलाई सर्तसहित छाडेको थियो । जसमा उनले देश छाड्न नपाउने र फिल्म पनि बनाउन नपाउने मुख्य सर्त थिए ।

---

त्योबाहेक सरकार विरोधी प्रदर्शनमा सहभागी नहुन पनि सरकारले चेतावनी दिएको थियो । पनाहीले त्यसयता देश नछाडे पनि फिल्मको सुटिङ भने रोकेका थिएनन् । 
ट्याक्सीमै सुटिङ गरिएको यही नामको फिल्मले जर्मनीको बर्लिन फिल्म फेस्टिभलमा गोल्डेन बियर अवार्ड जितेको थियो । उनले कान्स र लोकार्नोमा पनि अवार्ड जितेका छन् ।

अघिल्लो हप्ता सहकर्मी फिल्ममेकरलाई सरकारले समातेर १३ वर्षको जेल सजाय सुनाएपछि त्यसको विरोधमा महान्यायाधिवक्ताको कार्यालयमा प्रदर्शन गर्न गएका थिए । सरकारले सोही ठाउँबाट उनलाई पक्रेर हिरासतमा राखेको थियो ।