चलचित्र 'प्रेमगन्ज' युरोपका ४४ देशमा प्रदर्शन हुने
काठमाडौँ- 'प्रेमगन्ज' विदेशी चलचित्र सरह युरोपका थिएटरमा प्रदर्शन हुने भएको छ । प्रेमगन्ज जर्मनी, अष्ट्रिया, पोल्यान्ड, माल्टा, डेनमार्क, नेदरल्यान्ड लगाएत युरोपका ४४ देशमा प्रदर्शन हुने छ ।
चलचित्र प्रेमगन्जलाई जर्मनी स्थित lokah film intertaiment ले युरोप पर्दर्शन गर्दै छ । जुन जर्मनीको प्रतिन्ठित वितरण कम्पनी हो ।
'अन्तर्राष्ट्रिय रुपमा यसरी प्रदर्शन गर्ने हाम्रो यो पहिलो प्रयास हो । अहिले हामीले पैसाभन्दा पनि बाटो खोजिरहेका छौँ । यसले गर्दा भविष्यमा निर्माण हुने अन्य नेपाली चलचित्रलाई बाटो खुल्ने छ,' निर्देशक परिच्छेद सेनले भने ।
इन्डिया रिलिजका लागि पनि भारतको सबैभन्दा ठूलो सिनेमा चेन PVR सँग कुरा भइरहेको परिच्छेदले बताए । फिल्म यही भदौ तीन गते राष्ट्रिय , अन्तर्राष्ट्रिय रुपमा एकसाथ प्रदर्शन हुँदै छ । तेज गिरी र बेनिशा हमालको मुख्य भूमिका रहेको फिल्मलाई अनन्तमान श्रेष्ठले निर्माण गरेका हुन् ।
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया