रिपोर्टस् क्लबमा प्रदीप खड्काकाे दाबी– ‘प्रेमगीत ३’ले कसैले नराखेको रेकर्ड राख्छ

काठमाडौँ - सिनेमा हलमा बुकिङ खुलेदेखि हलप्रति आक्रोशित देखिएका प्रदीप खड्काले शुक्रबार रिपोर्टस् क्लबमा पत्रकार सम्मेलन गर्दै नेपालका सिनेमा हलले न्यूनतम् सो पनि नदिएको गुनासो गरेका छन् ।

उनले प्रिमियरपछि ‘प्रकाश’लाई उत्कृष्ट प्रतिक्रिया मिलेकाले फरक खालको फिल्मलाई साथ दिनु हलको पनि कर्तव्य भएको भन्दै साथ दिन आग्रह गरे । ‘हलसँग पनि मेरो खास गुनासो हैन । खासमा म दुविधामा छु । किन यस्तो भइरहेको छ,’ पत्रकार सम्मेलनमा उनको प्रश्न थियो, ‘विज्ञापन बजाएर पनि पैसा लिने, टिकटको पनि आधा पैसा लिने तर हलको चाहिँ सोसल कर्पोरेट रेस्पोन्सिबिलिटी हुन्न ?’

---

उनले कुरै कुरैमा ‘प्रेमगीत ३’ले कसैले नराखेको रेकर्ड राख्ने पनि दाबी गरे । ‘मसँग प्रकाश नभए प्रेमगीतको विकल्प छ । यसले कसैले नराखेको रेकर्ड राख्छ । तर यो मेरो मात्र कुरा होइन । टिमको कुरा हो । फिल्म फ्लप गराउन खोजेपछि बोल्न बाध्य भएको हो,’उनको भनाइ थियो । उनले अहिले पाइरहेकोभन्दा बढी सो दिएको भए आफू नबोल्ने पनि बताएका थिए । उनले दर्शक फिल्म हेर्न गइदिएर सहयोग गर्न पनि आग्रह गरेका थिए ।