‘परदेश’को कुरा गर्दै ‘हिजो आजका कुरा’मा सन्तोष पन्त

काठमाडौँ-  सन्तोष पन्तको ऐतिहासिक टेलिसिरियल ‘हिजो आजका कुरा’ को नाम सापटी लिएर सोही नाममा बनेको फिल्मको दोस्रो गीत सार्वजनिक भएको छ । शुक्रबार सार्वजनिक ‘परदेश’ बोलको गीतमा हर्कुलस बस्नेतको स्वर तथा संगीत रहेको छ । । गीतमा एकतारे र साकार पन्तको शब्द छ भने रिकेश गुरुङको संयोजन रहेको छ ।

गीतको भिडिओमा सन्तोष पन्त, रमा थपलिया, ऋचा शर्मा, केकी अधिकारी, रिमा विश्वकर्मा र दिव्यदेव पन्त लगायतलाई देख्न सकिन्छ । फिल्मलाई सन्तोष पन्तका छोरा साकार पन्तले निर्देशन गरेका हुन् । महामारीका कारण प्रदर्शन रोकिएको फिल्मले पहिला ‘माया जदौ’बोलको गीत सार्वजनिक गरेको थियो । असोज २८ मा प्रदर्शन हुने फिल्मले शुक्रबार दोस्रो गीत सार्वजनिक गरेको हो ।

---

पारिवारिक कथामा निर्माण भएको चलचित्रको मुख्य जोडीका रूपमा सन्तोष पन्त र रमा थपलिया शीर्ष भूमिकामा छन् । त्यस्तै फिल्ममा केकी अधिकारी, ऋचा शर्मा, रीमा विश्वकर्मा, दिव्यदेव पन्त, साकार पन्त लगायत भूमिका देख्न सकिन्छ ।रवि सायमीले छायांकन गरेको फिल्मलाई विनय कंसाकारले सम्पादन गरेका हुन् ।