भारतीय मिडियामा ‘ब्रम्हास्त्र’ समीक्षा : बेकामे फिल्म, निराश बनाउँछ

मुम्बई -  ९ वर्ष लगाएर बनाइएको भनिएको ‘ब्रम्हास्त्र’ले प्रारम्भिक समीक्षामा समीक्षकबाट कमजोर रेटिङ पाएको छ । इन्डियन एक्सप्रेसकी शुभ्र गुप्ताले भिएफएक्स ‘बाहुबली’को लेभलको भए पनि अमिताभ बच्चन, रनवीर कपुर, आलिया भट्ट, नागार्जुन जस्ता कलाकारको उपस्थितिका बाजजुद फिल्म कमजोर रहेको समीक्षा गरेकी छिन् । उनले फिल्मलाई १.५ रेटिङ दिएकी छिन् । 

यसैगरी समीक्षक तरन आदर्शले फिल्मलाई २ रेटिङ दिँदै ‘ब्रम्हास्त्र’ले ‘किंग साइज’मा निराश बनाएको प्रतिक्रिया दिएका छन् । उनले फिल्म ग्लसी भए पनि आत्मा नभएको बताएका छन् । 

---

फिल्म कम्पेनियाका राहुल देसाईले पनि फिल्मलाई कमजोर बताएका छन् । उनले फिल्मलाई धेरै इन्जिनियरिङ गरिएको तर गलत निशाना ताकेको सिनमाको रुपमा समीक्षा गरेका छन् । 

उनले त कलाकारको अभिनयदेखि पटकथा र संवादसम्म पनि बेकामे रहेको समीक्षा लेखेका छन् । मिथको संरचनामा धेरै समय खर्चिएको फिल्म कतिबेला पनि फिल्म जस्तो नलाग्ने उनको भनाइ छ । 

केही समीक्षकले भने फिल्मको भिएफएक्सको तारिफ गर्दै फिल्म हलिउडको मार्भललाई जवाफ रहेको समीक्षा लेखेका छन् । तर पटकथा र बाँकी भागमा भने फिल्म कमजोर रहेको उनीहरूको प्रतिक्रिया छ ।