यी हुन् ‘छड्के २’की अनमोल केसीको हिरोइन

काठमाडौँ- अनमोल केसीको क्यारेक्टर पोस्टर सार्वजनिक गर्दै सुटिङमा होमिएको ‘छड्के २’ले बाँकी कलाकार सार्वजनिक गरे पनि फिल्म हिरोइन भने सार्वजनिक गरेको छैन । तर स्रोतका अनुसार यो फिल्मबाट रेशु आले मगरले अनमोल केसीको अपोजिटमा डेब्यू गर्दैछिन् ।

निर्माण टिमले उनको नाम गोप्य राख्न चाहेको छ तर केही दिनअघि फिल्मका कलाकार तथा निर्माता देवु श्रेष्ठले अनमोल केसीको क्यारेक्टर पोस्टर सार्वजनिक गर्ने क्रममा ट्याग गरेका केही नाममा रेशु आले मगर पनि छन् । यति मात्र होइन रेशुलाई अनमोलले पनि इन्स्टाग्राममा फलो गरेका छन् । यसले पनि रेशु फिल्मको हिस्सा रहेको स्पष्ट पार्छ ।

---

अनमोल केसी सबैभन्दा धेरै नयाँ नयाँ हिरोइन डेब्यू गराउने हिरोमध्ये पर्छन् । ‘ए मेरो हजुर’ शृंखलाका दुई भागमा सुहाना थापासँग फिल्म खेल्नुबाहेक अनमोलको फिल्ममा हिरोइन दोहोरोएिका थिएनन् । तर ‘ए मेरो हजुर’बाट अनमोलले यो क्रम तोडेका थिए । हाल ‘छड्के २’ को सुटिङ अहिले चितवनमा धमाधम चलिरहेको छ । अनमोल पहिलो पल्ट फिल्ममा ग्याङस्टरको भूमिकामा देखिँदैछन् ।