घर र डेराको चक्करमा ‘के घर के डेरा’ टिजर

काठमाडौँ - दयाहाङ राई र विपिन कार्कीको मुख्य भूमिका रहेको फिल्म ‘के घर के डेरा’को टिजर सार्वजनिक भएको छ । दया र विपिनको वरिपरि घुमेको टिजरले ‘डेरा र घर’ लिएर हुने ‘एरर’लाई कमेडी शैलीमा प्रस्तुत गर्ने जमर्को गरेको छ । दुवै अभिनेतालाई सुरक्षा पन्त र वर्षा राउतले साथ दिएका छन् । 

दीपेन्द्र के खनालले निर्देशन गरेको चलचित्र कात्तिक ४ गते सार्वजनिक प्रदर्शनमा आउँदैछ । यही मितिमा ‘छक्का पञ्जा’को नयाँ शृंखला पनि आउने भएपछि निर्माण टिमले प्रचारलाई तीव्रता दिएको छ । 

---

फिल्ममा रविन्द्र झा, आशान्त शर्मा, लक्ष्मी गिरी, सरोज खनाल, भोला सापकोटा, कोशिस क्षेत्री आदि कलाकारको पनि अभिनय रहेको छ । फिल्मलाई महेश दवाडीले लेखेका हुन् भने फिल्मको कथा सिंगे लामाको हो । फिल्मको छायांकन दीर्घ गुरुङले गरेका हुन् ।