अस्करमा जान तीन फिल्मबीच प्रतिस्पर्धा

काठमाडौँ -एकेडेमी अवार्डको ९५ औँ संस्करणमा छनौट हुन लागि तीन नेपाली फिल्मले आवेदन दिएका छन् । बिहीबार सकिएको समयसीमा भित्र ‘राधा’, ‘प्रकाश’ र ‘ऐना झ्यालको पुतली’ले आवेदन दिएको नेपालको छनौट समितिका सदस्य सचिव चिरञ्जीवी गुरागाइँले जानकारी दिएका छन् ।

प्रतिस्पर्धामा रहेका तीन फिल्ममध्ये एउटा फिल्म छानेर नेपालको अन्तर्राष्ट्रिय फिचर फिल्म छनौट समितिले अस्करमा पठाउने छ । अक्टोबर ३ भित्र एउटा फिल्म छनौट गरेर पठाइसक्नुपर्ने समितिलाई निर्देशन रहेको छ । 

---

भिन्न भिन्न कथा र स्वादमा बनेका फिल्मलाई आइतबार र सोमबार हेरी एउटा फिल्म छान्ने सदस्य सचिव चिरञ्जीवी गुरागाइँले जानकारी गराए । नेपालको छनौट समितिलाई सिफारिसका लागि योग्य भए मात्र पठाउने गरेको छ । यसअघि कुनै पनि फिल्म पठाउन उपयुक्त नदेखेपछि समितिले गतसाल सिफारिस नगर्ने निर्णय गरेको थियो । गत साल ‘आमा’ र ‘सरिता’ प्रतिस्पर्धामा रहेका थिए ।