‘संस्कार’मा निशान-अस्मिताको जुगलबन्दी

काठमाडौंः थुप्रै फिल्मको पाश्र्व गायनका लागि जुगलबन्दी गरेका निशान भट्टराई र अस्मिता  अधिकारीले किशोर चौधरीको निर्देशनमा बन्ने ‘संस्कार’ चलचित्रमा पनि गीत रेकर्ड गराएका छन् । बुधबार दुवैले  ‘चितवनको एअरपोर्ट’ बोलको गीत रेकर्ड गराएका हुन् । 

किशोर चौधरीको शब्द रहेको गीतलाई चन्द्रज्योति ढुंगानाले संगीत गरेका हुन् । दिनेश कुँवर निर्माता रहेको फिल्मको स्क्रिप्ट पनि निर्माता दिनेशकै हो । बास्सा फिल्मस् प्रोडक्शनको ब्यानरमा निर्माण हुने फिल्म पारिवारिक कथामा बन्‍नेछ । 

---

तिहारपछि सुटिङ गरिने ‘संस्कार’ मा मनोरञ्जनका साथै समाजोपयोगी सन्देशसमेत रहने निर्माता दिनेशले जानकारी दिए । फिल्मको सहनिर्मातामा राजु अधिकारी, सुमन तेन्जल र हरि भण्डारी छन् । तनहुँ, पोखरा र वीरगञ्जमा खिचिने फिल्ममा दिनेश प्रमुख भूमिकामा रहने छन् भने अन्य कलाकारको चयन प्रक्रिया जारी छ । गीतको शब्द तथा संगीत ‘क्याची’ रहेकाले दर्शक स्रोताले मनपराउने निर्माण टिमको विश्वास छ ।