एक हप्तापछि सर्यो ‘लाखे’

काठमाडौँ - कात्तिक ११ मा आउने गरी ट्रेलर सार्वजनिक गरेको ‘लाखे’ एक हप्तापछि मात्र हलमा लाग्ने भएको छ । निर्माण टिमले फिल्म कात्तिक १८ मा प्रदर्शन हुने जानकारी गराएको छ । निर्माताले मह जोडी अभीनित ‘महापुरुष’लाई सोलो रिलिजको मौका दिने उद्देश्यसहित आफूहरू पछि सरेको बताएका छन् । ‘महापुरुष’ कात्तिक ११ मा रिलिज हुँदैछ ।

सर्वप्रथम भदौ ३१ मा प्रदर्शन हुने घोषणा गरेको ‘लाखे’ प्राविधिक काम नसकिएको भन्दै कात्तिक ११ मा पुगेको थियो ।  सम्राट बस्नेत निर्देशित फिल्ममा सौगात मल्ल, अनुप बिक्रम शाही, अर्पण थापा, आर्यन अधिकारी, वर्षा राउत, रोहित रुम्बा, संजोग राणा, सुशील सिटौला, प्रशान्त ताम्राकार, रक्षा बुढाथोकी, कालु राना, सुगन तण्डुकार र बाल कलाकार सिस्टम भण्डारी लगायतको अभिनय रहेको छ । 

---

सिजन अर्यालको कथा र निर्माण रहेको फिल्मको निर्मातामा डिपी भण्डारी र गणेश मल्ल ठकुरी (जिएम) छन् । हरि मल्ल ठकुरी कार्यकारी निर्माता रहेको फिल्म सुजन प्रजापतिले खिचेका हुन् भने कोरियोग्राफी कविराज गहतराजको छ । निर्देशक सम्राटकै द्धन्द्ध निर्देशन रहेको फिल्मका गीतमा दीपक बज्राचार्य र हर्कुलस बस्नेतको संगीत छ । ‘लाखे’ अर्जुन जिसीले सम्पादन गरेका हुन् ।