निर्देशक हलिउड,  हिरो बलिउड : ‘प्रसाद २’ के हुन्छ ?

काठमाडौँ - निर्देशक हलिउड हिरो बलिउड, ‘प्रसाद २’ के हुन्छ ? यो प्रश्न निर्मातालाई कुनै पत्रकार गरेका हैनन् । निर्माता स्वयंको गुनासो हो । निर्देशक, निर्माता हुँदै कलाकारसम्म फेरबद लगर्दे मुद्दा मामिलासम्म पुगेको फिल्म मंसिर ७ देखि फ्लोरमा जाने चर्चामा थियो तर सुटिङको दिन नजिकिँदै गर्दा निर्माता स्वयं निर्देशक र कलाकार नभएको गुनासो गर्ने अवस्थामा पुगेका छन् ।

निर्माता सुभाष थापालेले बिहीबार फेसबुक स्ट्याट्स लेख्दै आफ्नो लाचारी प्रकट गरेका हुन् । उनले विपिन कार्कीलाई क्षतिपूर्तिको दाबीसहित मुद्दा हालेपछि निर्माता संघको पहलमा दुवैपक्ष बीच मंसिरको पहिलो हप्ता सुटिङ गर्ने सहमति भएको थियो ।

---

तर मिति नजिकिँदै गर्दा निर्देशक सुदर्शन थापा अमेरिकन फिल्म मार्केटमा भाग लिन अमेरिका पुगेका छन् भने फिल्मका मुख्य कलाकार विपिन कार्की बलिउड फिल्म ‘एनिमल’को सुटिङ गर्न मुम्बई पुगेका छन् । यसैबीचमा अभिनेत्री नम्रता श्रेष्ठले फिल्म नगर्ने निर्णय पछि निर्माण टिमले केकी अधिकारीलाई अनुबन्ध गरेको छ । तर बेलामा सुटिङ नहुँदा फिल्मबाट विपिन कार्की पनि अलग्गिन सक्ने चर्चा सुरु भएको छ ।